Tacurong City, Sultan Kudarat – Kumpirmadong dalawa katao ang namatay sa shootout sa pagitan ng PDEA-ARMM kasama ang 7th IB ng Philippine Army at mga drug pushers sa Barangay Batulawan, Pikit, North Cotabato, pasado alas-sais ng umaga kanina.
Ang dalawang napatay na suspek ay kinilalang sina Raymund Timan, alyas Menu at Titin Alba, alyas Teo,at pawang notoriousdrug pushers, at gun for hire at nasa watchlist na ng Pikit PNP.
Sa ulat ng operatiba ng PDEA-ARMM, kinuha ni Timan ang mga armas sa kanyang cabinet at babarilin na sana sila habang papalapit sa lugar kaya napilitan ang mga awtoridad na paputukan ito.
Kaugnay nito, pinaputukan din ni Alba ang backup team ng PDEA gamit ang kalibre 45 na baril na namatay matapos gantihan ng putok ng operatiba.
Nakuha sa dalawa ang higit sampung gramo ng shabu na tinatayang nagkakahalaga ng isang daang libong piso.
Narekober din sa mga suspek ang isang 38 revolver pistol, isang cz 9mm pistol, isang m16 rifle na may kasamang 13 m16 magazine, isang kj 9mm sub machine gun na may isang magazine at tatlong granada.
The post 2 patay sa shootout sa North Cotabato appeared first on Remate.