NAPATAY ang isang pulis at isang hinihinalang drug pusher habang isa ang sugatan sa sagupaan ng Bacoor PNP sa bahagi ng Maliksi III, Bacoor, Cavite.
Kabilang sa napatay ang isang miyembro ng PNP na nakilalang si PO2 Aries Lacheca na timaan ng bala sa ulo mula sa caliber 45 pistol.
Samantala, dead on arrival sa Las Piñas Hospital ang tinutugis na tulak ng ilegal na droga nang makipagpalitan ng putok sa dalawang pulis.
Ayon kay Cavite Police Provincial Director S/Supt. Alexander Rafael, magsisilbi ng warrant of arrest ang dalawang pulis laban sa suspek na si John John Hernale nang manlaban ito at makipagpalitan ng putok sa mga pulis. Nasugatan naman ang isa pang pulis na kinilalang si PO1 Jorex Gutibman sa isinagawang operasyon.
Giit pa ni Rafael nagpapatuloy pa rin ang pagtugis ng pulisya laban sa nakatakas na kasamahan ng napatay na suspek.
The post 2 patay sa sagupaan sa Cavite appeared first on Remate.