NATAGPUANG patay ang isang manikurista sa loob ng inuupahang bahay ng kanyang kaibigan sa Caloocan City , Lunes ng hapon, Agosto 5.
Kinilala ang biktima na si Arnold Malonzo, 48, ng North Diversion Road ng lungsod.
Sa pahayag ng saksing si Jesus Tolentino, 61, alas-2:30 ng hapon, tinatawag niya ang biktima subalit hindi sumagot na naging dahilan upang silipin ng una ang loob ng bahay ni Malonzo.
Nakita ng saksi ang kaibigan na nakahiga patagilid at hindi na gumagalaw na naging dahilan upang humingi ng tulong sa mga barangay tanod.
Sapilitan binuksan ang pinto ng biktima at nalaman na patay na kung kaya itinawag sa mga pulis.
Wala naman nakitang palatandaang pinatay ang biktima subalit may dugo ito sa bibig kung saan inaalam na ang dahilan ng pagkamatay ni Malonzo.
The post Manikurista natagpuang patay sa loob ng bahay appeared first on Remate.