KULONG ang magkakamag-anak at isa pa matapos salakayin ang kanilang ino-operate na cyber sex den sa Caloocan City Martes ng gabi, Agosto 6.
Kinilala ang mga suspek na sina Cheana Mae Arpista, 24; Maria Theresa Arpista, 22; Maritess Arpista, 45 pawang ng Libis Baesa at Jennydel Magarso, 20 ng Batimana cmpd., Gen. T. De Leon, Valenzuela City.
Sa pahayag ni Mary Jane Palacio, 20 ng San Mateo Rizal, inalok siya ng trabaho bilang call center agent ni Cheana Mae at dinala sa bahay ng huli subalit laking gulat nang sabihan na maghubad sa harap ng camera.
Sinabi pa ni Cheana May na 1.99$ ang ibabayad sa kanya kada minuto subalit tumanggi si Palacio.
Hindi na pinalabas ang biktima hanggang sa makakuha ng tiyempong makatakas at magsumbong sa mga pulis dahilan upang magsagawa ng pagsalakay ang mga ito dakong 10:30 ng gabi.
Nakakuha ang mga pulis ng mga computer at mga sex toy sa mga suspek na naging dahilan upang dakpin at dalhin sila sa presinto.
The post Magkakamag-anak kulong sa cyber sex operation appeared first on Remate.