DALAWANG lalaki ang inaresto ng mga tauhan ng Station Anti-Illegal Drug (SAID) sa magkahiwalay na oras at lugar matapos mahulihan ang mga ito ng shabu at marijuana sa Navotas City.
Kinilala ang mga suspek na sina Rico Garcia y Gumban, 30, binata, ng 184 A.R Cruz ng Brgy. Tangos at si Albert Albino y De Leon aka Ton, 30, binata ng 57 Oliveros Tangos pawang sakop ng Navotas.
Sa imbestigasyon ni P02 Virgilio Marinduque, dakong alas 6:00 ng gabi, August 7, nang mahulihan ng dalawang plastic sachet ng pinatuyong dahon ng marijuana si Garcia sa Pantay Pantay St. Navotas.
Ganap na 1:30 kaninang madaling araw, August 8, nang maaresto naman si Albert Albino na nahulihan ng isang plastic sachet ng shabu.
Ang mga suspek ay kapwa sinampahan ng kasong paglabag sa RA 9165 sa piskalya ng lungsod.
The post 2 lalaki tiklo sa pag-iingat ng shabu, marijuana appeared first on Remate.