TODAS ang truck driver nang pagbabarilin ng hindi pa nakilalang suspek sa Caloocan City kagabi.
Dead- on-the-spot sanhi ng mga tama ng bala sa katawan si Charlie Gorope, 42, ng Gaya-gaya, San Jose Del Monte, Bulacan.
Pinaghahanap naman ng mga pulis ang driver ng Mitsubishi Adventure TEI-531 na tumakas at iniwan ang nasabing sasakyan.
Base sa ulat, alas-6:30 ng gabi, nagmaniobra ang biktima sa dalang trailer truck upang makapasok sa Phase 12 Construction Supply, sa ID Road, Tala ng lungsod nang pumalya ang makina.
Dahil sa pagtirik, humarang sa kalsada ang trailer truck na naging dahilan upang magkaroon ng trapik.
Nabuwisit ang kasunod na suspek na agad bumaba ng sasakyan dala ang baril at walang sabi-sabing pinagbabaril ang biktima.
Dahil hindi rin makakaalis dahil sa trapik ang sasakyan ng suspek ay iniwan na ito upang makatakas kung saan.
Inaalam na ng mga pulis kung ano ang pagkakakilanlan ng salarin.
The post Dahil sa tumirik na sasakyan; truck driver binaril, patay appeared first on Remate.