PATAY ang isang construction worker nang pagbabarilin ng hindi nakilalang salarin matapos maghamon ng away sa kanilang lugar sa Brgy.Payatas, Quezon City kagabi.
Kinilala ang biktima na si Vincent Deang, 30, ng 063 Bulacan St., Brgy. Payatas B, QC na nasawi noon din dahil sa tinamong maraming tama ng bala sa kanyang katawan.
Ayon kay SPO1 Alejandro Camacho, ng Quezon City Police District Station 6 Batasan, naganap ang insidente sa Alley Group 3, Leyte St., Brgy. Payatas-B, QC dakong 11:45 kagabi.
Sinabi ni Camacho, naghamon umano ng away sa kanilang lugar ang biktima habang armado ng isang jungle bolo.
Makalipas ang ilang minuto nakarinig na ng sunod-sunod na putok ng baril ang mga kapitbahay dahilan para tumawag ang mga ito sa barangay at pulis.
Dito na natagpuan ang wala nang buhay na bangkay ng biktima at may tama ng mga bala ng baril sa katawan.
The post Obrero naghamon ng away, tinodas appeared first on Remate.