PATAY ang isang lalaki matapos barilin ng kainuman makaraang magkakulitan sa Caloocan City Linggo kaninang madaling-araw.
Dead- on-arrival sa Novaliches District Hospital sanhi ng tama ng bala sa kanang tainga si Julius Laspona, 31, ng Phase 3, Villa Crystal, Brgy., 171, Bagumbong Dulo ng lungsod.
Inaresto naman ng mga pulis si Robert Lachica Jr., 21, habang pinaghahanap pa si Ricardo Rivera, alyas Tikboy, 29 at kapwa mga kalugar ng biktima.
Base sa ulat, dakong alas-12:30 ng madaling-araw, kainuman ng biktima ang mga suspek sa nasabing lugar nang magkakulitan.
Napikon ang mga suspek sa biktima nang malasing ito kaya kinuha ni Lachica ang clutch bag ni Rivera at inabot sa huli na may lamang baril .
Hinugot ni Rivera ang baril sa clutch bag bago pinutukan ang biktima na naging dahilan ng agaran nitong kamatayan.
The post Kelot, patay sa kainuman sa Caloocan appeared first on Remate.