HINDI inakala ng isang taxi driver na mga holdaper ang kanyang naisakay magsyota sa Caloocan City Martes ng madaling-araw, Agosto 13.
Sa pahayag ng biktimang si Ernesto Biglang-awa, 67 ng Sta. Monica, Novaliches, Quezon City, alas-12:55 ng madaling-araw nang maisakay niya ang mga suspek sa EDSA, Cubao, Quezon City at nagpapahatid sa motel sa Bagong Barrio, Caloocan City.
Tiwala ang biktima dahil sweet pa ang mga suspek habang nasa loob ng taxi.
Pagsapit sa Bagong Barrio ay ilang motel na ang nilagpasan subalit tumanggi ang lalaki dahil hindi niya type ang mga nadaanan at maghanap pa ng iba.
Pagsapit sa madilim na bahagi ng Wagwag St., ay naglabas ng patalim ang mga suspek sabay deklara ng holdap at kinuha ng mga una ang wallet ng biktima na naglalaman ng lisensiya at P2550 kita sa pamamasada.
Matapos makuha ang pakay ay mabilis na tumakas ang mga suspek habang nagsumbong sa mga pulis ang biktima subalit nang balikan ang lugar ay hindi na rin nakita ang mga suspek.
The post Taxi driver nabiktima ng magsyotang holdaper appeared first on Remate.