KRITIKAL ang dalawang binata nang ratratin ng mga bala ng hindi pa nakilalang suspek habang nakatambay sa tapat ng tindahan, sa Caloocan City, Miyerkules ng gabi, Agosto 14.
Inoobserbahan sa Jose Rodriguez Memorial Hospital, sanhi ng mga tama ng bala sa katawan sina Emil Teodoro, 20 at Mark James Macaranas, 20, kapwa ng Barrio Sto. Cristo, Tala ng lungsod.
Sa ulat, dakong 11:30 ng gabi, nakatambay ang mga biktima sa tapat ng tindahan malapit sa kanilang bahay nang mula sa dilim ay sumulpot ang suspek at pinaulanan ng bala ang mga biktima.
Matapos ang insidente ay tumakas ang suspek habang dinala naman ang mga biktima sa JRMH kung saan inaalam na ng mga pulis kung sino at ano ang motibo ng una sa pamamaril.
The post 2 binata niratrat, kritikal appeared first on Remate.