NAGPATIWAKAL ang isang janitor ng Manila Bulletin matapos magtalo ng kanyang live-in partner sa loob ng kanilang banyo sa Intramuros, Maynila kaninang umaga.
Itinakbo pa sa Seaman’s Hospital ang biktimang si Cresencio Pancho, 26, ng 660 Cabildo St., Intramuros, Maynila ngunit hindi na umabot nang buhay.
Sa report, alas-5:50 ng umaga nang nadiskubreng patay na ang biktima ng kanyang live-in partner na si Sherie Nunez sa loob ng kanilang banyo.
Sa salaysay ni Sherie, dumating ang biktima na lango sa alak at tila may dinaramdam kaya tinanong nito kung may problema siya at bakit matamlay.
Gayunman, imbes na sagutin ng biktima ang tanong ni Sherie, tinanong niya ang huli kung ano ang kanyang gagawin kung magkita sila ng Panginoon na sinagot naman niya na “Secret”.
Hindi umano nagustuhan ng biktima ang sagot ni Sherie kaya ang pag-uusap nila ay nauwi sa pagtatalo at upang hindi na lumaki pa ang kanilang pag-aaway nanahimik na lamang ang huli at natulog.
Kinaumagahan, nagising si Sherie dahil sa tawag ng kalikasan at pagtungo sa banyo ay bumulaga sa kanya ang biktima na nakabitin na gamit ang isang nylon cord.
The post Janitor ng Manila Bulletin nagbigti appeared first on Remate.