PINAGTATAGA hanggang sa mamatay ang isang mag-asawa, habang sugatan naman ang isa nilang anak nang mag-amok ang kanilang kapitbahay sa Camarines Sur nitong Miyerkules ng gabi, Agosto 21.
Taga sa iba’t ibang parte ng katawan ang ikinamatay ng mag-asawang sina Isidro at Emelina Damiano ng Bula, Camarines Sur.
Samantala, tinutugis na para panagutin sa krimen ang suspek na si Rolando Flor, kapitbahay at malapit na kaibigan ng mag-asawang Damiano.
Sa ulat, naganap ang insidente alas-7 sa loob mismo ng bahay ng pamilya Damiano.
Bago ito, naghahapunan ang pamilya Damiano nang pumasok ang suspek at winasiwas ang kanyang dalang itak kay Isidro bago kay Emelina.
Tinaga rin sa iba’t ibang parte ng katawan ang anak ng mag-asawa na si Edelina, ngayon ay nasa kritikal na kalagayan nang nagtangkang pumagitna sa komosyon.
Maswerte namang hindi tinamaan ng taga ng suspek ang isa pang anak ng mag-asawang Damiano na si Emerlina.
The post Mag-asawa kinatay ng lalaking nag-amok appeared first on Remate.