TILA isang balikbayan box ang isang kahon na naglalaman ng isang bangkay ng hinihinalang biktima ng salvage ang natagpuan kaninang umaga sa Maceda st., sa Maynila.
Nakabalot pa ng packing tape ang buong kahon nang matagpuan ito sa ilalim ng malaking puno sa Soverenidad kanto ng Maceda street, sa Maynila.
Sa inisyal na ulat, habang rumoronda ay nakita ng isang barangay tanod ang mala-balikbayang box na napag-alamang mabigat ang laman nito.
Nang kanyang lapitan ay napansin niyang may bahagyang butas o uwang ang kahon na kanya namang sinilip at napansin ang bahagi ng katawan ng tao na nakasilid sa garbage bag.
Habang isinusulat ang balitang ito, hinihintay pa ang SOCO na siyang magbubukas sa kahon na siyang magsisiyasat at para malaman kung ano ang kasarian ng biktima.
The post Bangkay sa kahon, natagpuan sa Maynila appeared first on Remate.