DALAWANG saksak sa katawan ang inabot ng isang call center agent sa hindi pa kilalang holdaper sa Caloocan City, Huwebes ng madaling-araw, Agosto 22.
Ginagamot sa FEU Hospital si Valerie Baliguat, 25, ng Tala ng lungsod.
Sa ulat, dakong alas-4:30 ng madaling-araw, naglalakad malapit sa kanilang bahay ang biktima sa Chico St., Tala ng lungsod nang lapitan ng suspek na naka-motorsiklo.
Hinablot ng suspek ang dalang shoulder bag ng biktima subalit hindi bumitiw ang huli at nagsisigaw upang makahingi ng tulong.
Nabuwisit ang suspek sabay labas ng dalang patalim bago itinarak sa biktima saka kinuha ang bag na naglalaman ng cellphone, pera at mga ID bago tumakas.
Iniwan ng suspek ang dalang Suzuki rider na walang plaka.
Inaalam na ng mga pulis ang pagkakilanlan ng suspek.
The post Call center agent sinaksak ng holdaper, kritikal appeared first on Remate.