TODAS ang isang lalaki habang sugatan ang kasama nito makaraang sumalpok ang kanilang sinasakyang motorsiklo sa isa pang motorsiklo sa Brgy. Tagpangi, Cagayan de Oro.
Hindi na umabot pa sa Northern Mindanao Medical Center (NMMC) ang biktimang si Jing-Jing Sugano, 22, habang sugatan din ang kasama nitong si Rochelle Clatero, 15, na kapwa residente ng nasabing barangay.
Nabatid na sakay ng motorsiklo ang mga biktima nang bumangga sa ibang motorsiklo kung saan nagtamo ng malaking sugat sa ulo si Sugano sanhi ng kanyang pagkasawi.
Kasalukuyan pa ring ginagamot si Clatero sa NMMC dahil sa inabot na mga sugat at pasa sa katawan nito.
The post 2 motorsiklo nagbanggaan: Kelot todas appeared first on Remate.