SWAK sa kulungan ang isang manyakis na kelot nang tangkain na dakmain ang maselang bahagi ng katawan ng dalawang dalagita kaninang madaling-araw, August 27, sa Adelfa St. Tambac Tanza, Navotas City.
Kinilala ang suspek na si Amores Cruz, 34, janitor, ng #32 Rodriguez St., ng nasabing barangay.
Ayon sa isinagawang imbestigasyon ni P01 Josephine Yebra, ng Woman & Children Protective Desk (WCPD) ng Navotas pulis, dakong 2:00 kaninang madaling-araw ng maganap ang insidente sa nasabing lugar.
Base sa reklamo ng mga biktima na itinago sa pangalang Maria, 17 at Juvy, 16, ng Adelfa St., Tambac ng nasabing barangay, naglalakad sila ng makasalubong ang suspek at agad na dinakma ang kanilang harapan.
Pumalag ang mga biktima at nagsisigaw na nakatawag pansin sa nagrorondang tanod na sina Billy Soriano at Rodrigo Fernando. Inaresto ang suspek at dinala sa presinto.
Ang suspek ay ipinagharap ng reklamong paglabag sa RA 7610 o child abuse sa piskalya ng lungsod.
The post Manyakis, arestado appeared first on Remate.