TATLONG trabahante ang nasugatan nang aksidenteng pumutok ang baril ng isang security guard habang naka-duty sa Barangay Poblacion, Ipil, Zamboanga Sibugay.
Kinilala ang mga biktima na sina Ginnalie Cadungog, 18; Jayson Agabon, 18, at ang 14-anyos na dalagita na si Darlin Intrina na pawang mga residente sa magkahiwalay na munisipyo ng nasabing lalawigan.
Nabatid na ang mga biktima ay nagtatrabaho sa tindahan ng Bambies Goldsmith kung saan nakatalaga ang security guard na si Florie Casipong Cañete, 23.
Ayon sa imbestigasyon, nagkakarga ng bala sa kanyang dalang shotgun rifle ang security guard nang aksidente niyang naiputok ang nasabing baril na tumama sa mga biktima.
Kaagad dinala sa De Villa Hospital sa Ipil ang mga sugatang biktima habang ang nasabing security guard ay boluntaryong sumuko sa istasyon ng pulisya dala ang kanyang baril na kasalukuyang nakakulong sa detention cell ng Ipil municipal police station.
The post Boga ng sekyu aksidenteng pumutok; 3, sugatan appeared first on Remate.