NAAKYAT-BAHAY gang ang isang stand up comedian sa Quezon City sa kasagsagan ng malakas na ulan nitong Martes ng gabi (Setyembre 3).
Ang biktima na ayaw magpakikilala pero kilalang performer sa isang stand-up comedy bar sa QC ay natangayan ng P30,000 cash, ilang piraso ng cellphone units, alahas at maging ang kanyang mamahaling alagang aso.
Inilarawan naman nito ang limang suspect na nakasuot ng kulay pink na tela na ipinangtakip sa kanilang mukha para hindi mamukhaan at armado ng granada.
Sa ulat, naganap ang insidente dakong 9:30 nitong Martes ng gabi sa bahay ng biktima na ayaw ipaalam ang kanyang tinutuluyang bahay.
Bago ito, abala ang lahat ng nangungupahan sa bahay ng biktima nang biglang pumasok ang mga suspect at nagbantang pasasabugin ang granadang dala nila.
Sa takot, pinanoood na lang ng mga biktima ang paghahalughog ng mga suspect at nakahinga na lamang ng maluwag nang mag-sialisan na ang kanilang bisitang kawatan.
The post Stand-up comedian sa QC, nabiktima ng akyat bahay gang appeared first on Remate.