NADAKIP ang isang tricycle driver nang balikan ang hinoldap at hinalay na dalagitang saleslady sa Valenzuela City, Huwebes ng umaga.
Kinilala ang suspek na si Armando Bueza, 35, ng Pinagbakahan, Malolos, Bulacan.
Sa pahayag ng biktimang edad 17, saleslady ng Puregold sa Paso De Blas ng lungsod, alas-11:30 ng gabi noong Agosto 28, 2013, naglalakad siya sa Desoto St., Paso De Blas ng lungsod nang sabayan ng suspek at tutukan ng patalim bago nagdeklara ng holdap.
Kinuha ng suspek ang cellphone ng biktima bago hinila ang dalagita sa public toilet at hinalay bago tumakas si Bueza habang nagsumbong sa mga pulis ang dalagita.
Kaninang alas-11:15 ng umaga, lumabas ng Puregold ang biktima upang bumili ng makakain subalit sa gate ay sinalubong siya ng suspek at sinabihan na “Nagsumbong ka pala sa mga pulis, sa susunod na magkita tayo, papatayin na kita”.
Mabilis na nagtatakbo ang dalagita at nang makakita ng mga pulis ay nagsumbong na agad binalikan ang suspek na hindi pa nakakalayo na naging dahilan upang habulin at madakip ng mga pulis na rumesponde.
The post Rapist ng saleslady sa Valenzuela dakip na appeared first on Remate.