INIIMBESTIGAHAN na ng mga awtoridad kung may kaugnayan sa politika ang naganap na pananambang na ikinasugat ng isang barangay kapitan at kapatid na pulis matapos na pagbabarilin ng hindi pa kilalang suspek sa Purok Tapul, Barangay Tiguma, Pagadian City sa Zamboanga Del Sur.
Kinilala ng Pagadian City police station ang magkapatid na biktima na sina Mohibat Pagayao Gumba, 38, ang kasalukuyang barangay kapitan ng Barangay Old Labangan, bayan ng Labangan ng lalawigan at ang panganay niyang kapatid na si PO3 Muktar Pagayao Guimba, 41, na naka-assign sa Marawi City Police Station sa lalawigan ng Lanao Del Sur.
Nabatid sa ulat, dumalo sa isang seminar ang barangay kapitan na isinagawa sa Spring Land Hotel sa Pagadian City at bandang 2:30 kahapon ng hapon pauwi na ang barangay kapitan sakay ng isang motorsiklo na minamaneho ng kanyang kapatid na pulis.
Pagsapit sa lugar ng insidente, bigla na lamang silang pinagbabaril ng ilang suspek na nakasakay sa isang motorsiklo.
Bagamat sugatan, gumanti ng putok ang pulis kaya umatras ang mga suspek.
Hindi pa matukoy ng awtoridad kung sino ang nasa likod ng pananambang sa magkapatid at inaalam na ang motibo kung may kaugnayan ang insidente sa politika.
The post Brgy Chairman, kapatid na pulis, inambus, sugatan appeared first on Remate.