BINARIL at napatay ang binatang anak ng sekretarya ng Sangguniang Panlungsod ng Butuan City kaninang madaling-araw (Setyembre 9).
Dead-on-the-spot sanhi ng tama ng bala sa iba’t ibang parte ng katawan ang biktimang si Rogelio Caballes Jr., anak ni Sangguniang Panlunsod sec. na si Rogelio Sr.
Nasa kustodiya na ng Butuan City PNP ang suspect na nakilala lamang na Alyas Kulot, na kapitbahay ng biktima.
Naganap ang insidente dakong 4:45 ng madaling-araw sa Montilla Boulevard sa Barangay San Ignacio, Butuan City.
Bago ito, sa hindi malamang dahilan ay biglang binaril ng suspect ang biktima at saka nagtago sa kanilang bahay.
Sa tulong ng ilan sa mga nakasaksi, inginuso si Kulot na siyang bumaril kay Rogelio Jr. kaya sinundo ito ni Barangay Captain Nemesio Galan sa bahay nito sa Barangay Baan at saka dinala sa presinto.
Aminado naman ang ama ng biktimang si Rogelio Sr. na dating nagtrabaho ang kanyang anak sa city hall ngunit dahil sa paggamit ng iligal na droga ay parati itong pinapa-rehab.
Palagi na rin nila itong pinagsabihan ngunit hindi na sumusunod sa kanilang payo at palagi pang nagnanakaw sa mga gamit ng kanyang ina upang ibenta para may ipambili ng droga.
The post Anak ng Sangguniang Panlungsod secretary, tigbak sa kapitbahay appeared first on Remate.