TULOY-TULOY ang pursuit operation ng militar kontra sa New People’s Army (NPA) bunsod sa nangyaring engkuwentro sa Barangay Kapihan, Libona, sa lalawigan ng Bukidnon.
Ayon kay acting 4th ID spokesman Capt Christian Uy, isa sa kanilang sundalo ang tinamaan at agad binawian ng buhay. Kinilala ang namatay na si Pfc Robinson Frias na naka-detail sa 403rd Brigade na sakop ng 8th, IB Philippine Army na nakabase sa Bukidnon.
Dagdag pa ni Uy na nagresponde ang grupo ng militar sa report na mayroong namataang armadong kalalakihan kaya agad nila itong pinuntahan.
Halos ilang minuto rin ang tinagal ng palitan ng putok sa magkabilang panig na nagresulta sa pagkamatay ng isang sundalo.
Walang ibinigay na impormasyon si Uy kung mayroong sugatan o namatay mula naman sa panig ng mga kalaban.
Pinaniwalaang ang Committee Front 88 ng NPA ang nakasagupang militar sa nasabing liblib na lugar ng Bukidnon.
The post Sundalo dedo sa sagupaan vs NPA sa Bukidnon appeared first on Remate.