SUGATAN ang isang driver matapos na tumagilid ang kanilang close van na may kargang gulay kaninang madaling-araw sa Roxas Boulevard.
Ayon sa driver, binabagtas nila ang south bound lane sa bahagi ng TM Kalaw sa Luneta sa Roxas Blvd. nang gitgitin ito ng isang taxi pasado alas-2:00 ng madaling-araw.
Nagawa naman ng tsuper na iiwas ang kanyang minamanehong sasakyan at kinabig, aniya, nito pakaliwa ngunit nagpaikot-ikot sila at tuluyang tumagilid.
Hindi na umano nakontrol ng driver ang minamanehong sasakyan dahil madulas ang daan dahil umuulan nang maganap ang insidente.
Hindi naman nasugatan ang dalawa nitong pahinante.
The post Close van tumagilid; driver, sugatan appeared first on Remate.