DISMAYADO ang isang Sweedish national sa kanyang pananatili sa bansa matapos na matangayan ng tinatayang P25,000 cash habang naglalakad sa Intramuros, Maynila.
Personal na dumulog sa tanggapan ng Manila Police District (MPD)-General Assignment Section (GAS) ang biktimang si Karl Erick Jonas Siogman,23, at pansamantalang nanunuluyan sa Block 55 Lot 38, Northville Lambakin, Marilao, BUlacan.
Sa report ng MPD-GAS, dakong 3:30 ng kahapon nang naganap ang insidente sa harapan ng Guwapotel sa Bonifacio Drive, Intramuros, Manila.
Ayon sa biktima , naglalakad siya sa nasabing lugar nang dikitan siya ng suspek at walang sabi-sabing hinablot ang kanyang kulay green na shoulder bag kung saan nakalagay ang kanyang wallet na may laman na P25,000 cash.
Patuloy ang isinasagawang imbestigasyon ng pulisya sa pagkakakilanlan sa suspek.
The post Swedish national ninakawan, P25K natangay appeared first on Remate.