MAY 12 pang mga bangkay ang narekober ng tropa ng pamahalaan sa patuloy na clearing opearation sa may Barangay Sta. Catalina at sa iba pang mga barangay na nasa battle zone.
Ayon sa isang opisyal ng PNP na nasa clearing operation ngayon sa Barangay Sta. Catalina, anim na bangkay na ang kanilang na-recover at inaasahang madadagdagan pa ang bilang nito.
Pahirapan din ang kanilang pagpasok sa lugar dahil binabaril pa rin sila ng mga MNLF snipers na nagtatago sa ilang malalaking kabahayan sa lugar.
Una rito, limang mga bangkay na rin ang nakuha sa may Barangay Sta. Catalina at isa ring bangkay sa may Barangay Talon-Talon kahapon lamang.
Ilan sa kanila ang nagsusuot pa rin ng mga uniporme ng MNLF habang ang iba sa kanila ay nakasibilyan na lamang.
Narekober din ang ilang armas ng mga rebelde at iba pa nilang mga gamit sa mga lugar na una na nilang pinagkukutaan.
Dinala na sa isang punerarya ang mga una nang nakuhang mga bangkay at ililibing sa tradisyon ng mga Muslim.
The post 12 pang bangkay ng MNLF, narekober sa clearing ops appeared first on Remate.