MAKARAANG pinagdamutan ng kaning-lamig ng kanyang kapitbahay na ginang, kinatay ng isang lalaking may diperensya sa pag-iisip ang dalawang paslit na anak nito sa Leyte kaninang umaga, Setyembre 26.
Pero napatay din naman agad ang suspek na si Ariel Rias, 42, ng Barangay Anibongon, Abuyog nang pagpupukulin ng bato ng mga galit na galit na mga residente.
Nagtamo naman ng taga sa iba’t ibang bahagi ng kanilang katawan at namatay noon din ang magkapatid na sina Cristine Mae Badyao, 8 at ang bunso na si Joven Badyao, 2.
Ayon kay Pol. S/Insp. Catalino Laudia, hepe ng Abuyog Municipal Police Station, bago ang insidente ay nagalit ang suspek sa ina ng mga biktima nang hindi ito binigyan ng kanin.
Bilang ganti, pinasok nito ang bahay ng pamilya Badjao pero nang hindi makita ang pakay ay pinagbalingan ang magkapatid na noon ay kapwa natutulog.
Sinabi naman ng pamilya ng suspek na may diperensya sa pag-iisip si Rias.
The post Pinagdamutan ng kanin, pumatay ng 2 paslit appeared first on Remate.