PINAGBABARIL hanggang sa mapatay ng isang riding-in-tandem ang isang negosyante na kalalabas lang ng kanilang bahay sa Brgy. San Isidro Padre Burgos, Quezon kanina.
Alas-4:00 ng madaling-araw nang pagbabarilin ang biktimang si Anselmo Cabrera Bonifacio, 53.
Ayon sa asawa ng biktima, kalalabas lang ng mister at papasakay na sana sa kanyang trak nang makarinig ng sunud-sunod na putok ng baril at pagkakita sa asawa ay nakalugmok na at puno na ng dugo ang katawan habang humarurot na ng takbo ang mga suspek.
Agad na dinala sa Unisan Medicare ang biktima pero idineklarang dead-on-arrival.
Ayon sa misis ng biktima, nawawala na ang wallet at iba pang gamit ng biktima na pinaniniwalaang tinangay din ng mga suspek.
The post Negosyante itinumba sa Quezon appeared first on Remate.