RIZAL – “Squealer must die like a rat.”
Ito ang tattoo mark na maaaring pagkakilanlan sa isang lalake na natagpuang nakalutang sa isang creek kamakalawa ng hapon sa Antipolo City
Ang biktima ay nasa edad na 40 years old, may taas na 5’2, nakasuot ng itim na pantalon at asul na t-shirt, may larawan ng babae na naka marka sa kanyang kaliwang tuhod habang sa kanan ang nabangit na kataga.
Ayon sa Antipolo PNP, ang bangkay ay natagpuan dakong 5:00 ng hapon sa creek na sakop ng town and country Executive Village, Brgy. Mayamot, Antipolo City.
Ayon pa sa pulisya, nakatanggap sila ng tawag mula sa security guard ng subdivision na si Mcgyver Traje at inireport ang pagkakadeskubre ng bangkay.
Sa paunang imbestigasyon ang biktima ay walang palatandaan na mayroong naganap na foul play at maaring nalunod sa ibang lugar at naanod lamang sa nasabing subdibisyon.
Ang bangkay ng biktima ay pansamantalang dinala sa Rizal PNP Crime Laboratory sa Hilltop,Brgy. Dolores, Taytay Rizal para sa kaukulang awtopsiya.
The post Lalake natagpuang nakalutang sa creek appeared first on Remate.