KARUMAL-DUMAL ang sinapit ng 24-anyos na dalaga matapos halayin at patayin sa Brgy. Cauayan, Pototan, Iloilo.
Kinilala ang biktima na si May Ann Gumban, residente ng nabanggit na lugar at nagtatrabaho bilang receptionist sa isla ng Boracay, natagpuan ng kanyang pamilya sa liblib na lugar na hubo’t hubad at patay na.
Ayon sa tiyahin ng biktima na si Gng. Jean Dalla, noong nakaraang araw lang nang umuwi sa kanilang lugar ang biktima kung saan namasyal ito sa bahay ng kanyang lola, tinatayang nasa isang kilometro ang layo sa kanilang bahay.
Nang lumalim na ang gabi, hindi na nakauwi ang biktima subalit inakala lang ng kanyang magulang na natulog ito sa bahay ng kanyang lola o sa kanyang boyfriend sa katabing barangay.
Subalit nang kanilang inusisa at nalaman na wala doon ang biktima, doon na nila ito hinanap at kinaumagahan ay natagpuan siya na wala nang buhay at walang saplot, tinatayang nasa 150 metro ang layo sa kanilang bahay.
Ang biktima ay pinatay sa sakal kung saan nasa leeg pa ang baging at sleeveless shirt, na ginamit sa pagsakal habang nasa tabi naman ng bangkay nito ang kanyang mga gamit.
Ang katawan ng biktima ay puno ng pasa mula sa kanyang mukha, dibdib, braso at dalawang hita.
Pinaniniwalaang hinarang ang biktima ng nasa tatlong suspek habang pauwi na.
Napag-alaman na base sa paglalarawan ng tiyahin nito, maputi at maganda ang biktima.
May suspek na ang pamilya ngunit tumangging magbigay muna ng pangalan.
The post Dalagita ginahasa na, pinatay pa sa sakal appeared first on Remate.