SWAK sa kulungan ang isang taxi driver matapos pagsamantalahan ng una ang dalawang batang babae na kapitbahay, Martes ng hapon, Nobyembre 19, sa Barangay Santulan, Malabon City.
Nahaharap sa kasong rape at paglabag sa RA.7610 child abuse si Rome Ortiz Luis, 48, driver, ng 37 Sandiego St., naturang barangay.
Ang mga biktima na itinago sa pangalang April, 5 at Joy, 8 taon, ay sinamahan ng kanilang mga magulang sa tanggapan ng Women and Children Protection Desk (WCPD) ng Malabon pulis para pormal na sampahan ng kaso ang suspek.
Ayon sa ulat, makailang beses nang tinatawag ng suspek ang mga biktima na pinapapasok sa bahay at pinangakuang bibigyan ng pera pero rito na pinaghahalikan at pinaghihipuan sa maselang bahagi ng kanilang katawan.
Nabatid nitong Martes, nabisto ang pangmolestiya ng suspek matapos magsumbong ang biktima sa kanilang mga magulang nang masugatan ang ari sa ginawang pagdalirot ng suspek.
Dahil dito humingi ng tulong ang mga magulang sa kanilang barangay kaya inaresto ang suspek at dinala sa presinto.
The post Manyakis na taxi driver tiklo sa Malabon appeared first on Remate.