SWAK sa kulungan ang isang commercial model makaraang mahulihan ng shabu habang dumadalaw sa nakakulong na live in-partner sa PDEA headquarter sa Quezon City nitong nakaraang Huwebes, Nobyembre 21, 2013.
Kinilala ang suspek na si Charmie Cruz, 22, freelance commercial model ng 335 Sta. Isabel St., Samploc, Manila.
Si Cruz ay nakapiit na sa detention cell ng Philippine Drug Enforcement Agency makaraang makumpiskahan ng shabu.
Ayon sa PDEA, alas-2:30 ng hapon, dadalaw sana si Cruz sa kanyang live-in partner na si Manuel Cafranca na nakapiit sa PDEA dahil sa kasong droga.
Dahil standard operating procedure sa lahat ng dadalaw sa mga nakakulong sa PDEA na sinisiyasat at kinakapkapan ay nakuhanan si Cruz ng isang sachet ng shabu sa kanyang tsinelas.
Agad dinakip ang suspek.
The post Commercial model huli sa shabu appeared first on Remate.