TODAS ang isang totoy habang kritikal ang tatlong pinsan nito matapos mahagip ng nawalan ng kontrol na Ford New Everest habang naglalakad galing sa basketball court sa Valenzuela City, Sabado ng hapon, Nobyembre 30.
Dead on the spot sanhi ng pinsala sa ulo at katawan si Joshua de Joseph, 12, habang ginagamot sa Valenzuela General Hospital sanhi rin ng inabot na pinsala sa ulo at katawan sina Ghil Gapas, 10; John Cedric Agustin, 8 at John Mel Agustin, 10, mga pinsan ng nasawi at pawang ng Tandang Menang St., Parada, nasabing lungsod.
Sumuko naman sa mga pulis si Tomas Minajon, 63, ng Arbortowne Village sa General T. de Leon ng lungsod at driver ng New Ford Everest (AFA-990).
Sa ulat, alas-2:30 ng hapon, galing ang mga biktima sa basketball court sa De Guzman St., Parada at habang naglalakad papauwi ay nahagip ng nawalan ng kontrol ni Minajon.
Nadikdik sa sementadong pader ang biktima na naging dahilan ng kamatayan habang nagtalsikan ang mga pinsan na dinala sa VGH kung saan sumuko naman sa mga pulis ang suspek.
The post Totoy patay, 3 pinsan kritikal sa Ford New Everest appeared first on Remate.