KINASUHAN ng carnapping ang dalawang pulis liason officer ng Coca-Cola Philippines matapos hindi ibinalik ang hiniram na motorsiklo sa Caloocan City.
Kinilala ang mga kinasuhan na sina Arnel Hipolito at Richard Gulyab, mga nasa hustong gulang at dating pulis ng Yellowbell St., Camarin ng lungsod.
Sa reklamo ni William Araza, 41, alas-5 ng hapon noong Nobyembre 11, 2013 nang hiramin sa kanya ang motorsiklo sa Cadena de Amor, Camarin.
Makalipas ang ilang araw ay hindi na nagpakita ang mga suspek na naging dahilan upang magsumbong na sa mga pulis ang biktima.
Alas-10:45 ng umaga noong Nobyembre 19 nang makatanggap ng impormasyon ang mga pulis na nasa Domato Avenue sa Phase 12, Tala ang motorsiklo na naging dahilan upang puntahan.
Nabawi naman ang motorsiklo subalit wala ang mga suspek at kahapon ay pormal nang nagsampa ng kaso ang biktima sa dalawang suspek.
The post 2 dating pulis, kinasuhan ng carnapping appeared first on Remate.