TODAS ang hindi pa kilalang carnapper matapos makipagbarilan sa mga pulis nang mambiktima ang una sa Valenzuela City, Martes ng madaling-araw, Disyembre 3.
Dinala na sa Candido Funeral Homes ang hindi pa kilalang suspek na lalaki.
Sa ulat, alas-4 ng madaling-araw nang makatanggap ng impormasyon ang mga pulis na sapilitang tinangay ng suspek ang motorsiklo ni Rhoel Inocencio na naging dahilan upang magsagawa ng Oplan Sita malapit sa mga boundary ng lungsod.
Habang nasa A. Fernando St., Marulas ng lungsod ang mga pulis ay namataan ang suspek na walang helmet na naging dahilan upang tangkaing parahin subalit lalong pinasibad ng lalaki ang dalang motorsiklo.
Ilang mga pulis ang sumakay sa dalang mga motorsiklo at hinabol ang suspek at pagsapit sa R. Delfin St., Marulas ay huminto at nagbunot ng baril ang suspek at pinutukan ang mga una.
Isa sa mga pulis ang nagawang makaganti ng putok at tinamaan ang suspek sa ulo na naging dahilan ng kamatayan kung saan inaalam na ng mga pulis kung sino ang suspek.
The post Carnapper todas sa mga pulis sa Valenzuela appeared first on Remate.