NAMATAY ang isang pasahero samantalang sugatan naman ang 22 katao nang tumaob ang sinasakyan nilang motorized banca sa Jovellar, Albay.
Sa pagsisiyasat, kinilala ang biktima na si Maricel Porteria Amarota, ng Barangay San Roque, naturang bayan.
Ayon kay Insp. Jorem Kallos ng Jovellar Municipal Police Station, bandang tanghali kahapon habang nasa kalagitnaan ng ilog ang bangka, bigla na lamang itong tumama sa isang malaking kahoy kaya nawalan ng balanse.
Masuwerte na lamang na may isa pang lantsa na nakasunod sa kanila kaya nasagip ang mga biktima.
Ayon sa ulat, pawang mga benepisyaryo ng 4P’s ang mga ito na nag-withdraw lamang ng pera sa Jovellar.
Kahapon lamang nang makaranas ng matinding pag-ulan ang lalawigan dahilan ng pagsuspinde ng pasok sa paaralan.
The post 1 patay, 22 pasahero sugatan sa tumaob na bangka sa Albay appeared first on Remate.