PINAGSASAKSAK hanggang mapatay ng isang ama ang kanyang sariling anak habang mahimbing na natutulog sa loob mismo ng kanilang bahay sa Purok Papaya, Brgy. Salvacion, Tandag City, Surigao del Sur.
Agad namang sumuko sa pulisya ang suspek na kinilalang si Danelito Montajes, 57.
Sa imbestigasyon ng Tandag City Police Station, nabatid na ang anak na si Larry Montajes, 31, ay umuwing lango sa alak at naging bayolente na may bitbit pa na itak.
Nang mahimasmasan at makatulog ay doon na siya sinunggaban ng ama, sinaksak ng maraming beses na nagresulta sa kanyang agarang pagkamatay.
Napag-alamang hindi na napigilan ng nakatatandang Montajes ang kanyang emosyon at sobrang galit dahil sa parating panggugulo ng anak kapag umuuwing lasing.
Nasa kustodiya na ng Tandag City Police Station ang suspek at pinoproseso na ang kasong isasampa laban sa kanya.
The post Anak na natutulog, inatado ng erpat appeared first on Remate.