APAT ang sugatan nang araruhin ng isang trailer truck ng dalawang kabahayan sa bahagi ng Coastal Road sa Bacoor, Cavite, dakong alas-4 ng madaling-araw kanina, Disyembre 15.
Isinugod sa pagamutan sanhi ng kapansanan sa katawan ang mag-asawang Bernie Oybenes at Jessa May at 2-taong gulang na anak na si Althea kasama si Jomelyn Sandog, pamangkin ng mag-asawa.
Nawasak naman ang isa pang bahay na pag-aari ni Rico Galido at nadale rin ang nakaparadang motorsiklo nito.
Pawang natutulog ang mga biktima sa isa sa dalawang bahay at nagulat na lamang nang makarinig ng malakas na kalabog.
Ayon sa pahinante ng trak na si Marlon Antonio, patungo silang pier ng Maynila mula Rosario, Cavite nang biglang sumulpot ang isang sasakyan sa harapan nila dahilan upang mawalan ng kontrol sa manibela ang drayber at dumiretso sa nasabing kabahayan.
The post 2 bahay inararo ng trak, 4 sugatan appeared first on Remate.