PATAY ang isang truck driver nang pumutok ang baril na kanyang ipinagmayabang sa kanyang mga kainuman sa Pangasinan.
Naisugod pa sa Dr. Chan Memorial Hospital sa Carmen, Pangasinan ang biktima na itinago sa pangalang Bobby sanhi ng tama ng baril sa kanyang ari pero idineklara ring patay ng mga manggagamot.
Sa ulat, naganap ang insidente nitong nakaraang Biyernes ng alas 11:30 ng gabi sa loob ng Tagumpay Lumber and Construction Supply compound sa Rosales, Pangasinan.
Bago ito, nag-iinuman ang biktima at ang kanyang dalawang pahinanteng sina Arnel Nacino at Edwin Alcera nang ilabas niya at paputukin ng dalawang beses ang hindi pa malamang kalibre ng baril.
Baka makabulahaw sa kapaligiran, ipinatigil nina Nacino at Alcera ang pagpaputok na dagli namang sinunod ng biktima.
Pero nang isuksok na niya ang kanyang baril sa harapan ng kanyang pantalon, aksidente itong pumutok at tinamaan ang kanyang kargada.
The post Tsuper na nagyabang sa baril, naputukan sa ari tigbak appeared first on Remate.