PATAY ang isang ginang habang sugatan ang kalugar na puntirya ng hindi pa kilalang grupo matapos pagbabarilin ng mga huli sa Caloocan City, Martes ng umaga, Disyembre 17.
Namatay habang ginagamot sa Tondo General Hospital si Josephine Rufin, 47, habang ginagamot naman dahil sa dalawang tama ng bala sa tiyan si Joseph Corsino, 31, kapwa ng Area 3, Dagat-dagatan ng lungsod.
Pinaghahanap na ng mga pulis ang suspek na nakilala lang sa alyas “Iking” at ilang hindi pa kilalang mga kasama.
Sa ulat, alas-10 ng umaga, nakatambay si Corsino sa nasabing lugar nang dumating ang suspek at dahil nakaramdam ng panganib dahil Lunes ng gabi ay hinabol ni Corsino dala ang patalim ang isa sa mga suspek.
Tumakbo si Corsino subalit hinabol ng mga suspek at nang maabutan ay pinagbabaril ni Iking.
Napadaan naman ang namatay karga ang isang bata at napagbalingang barilin din ni Iking.
Wala namang nangyaring masama sa dalang bata ng biktima na agad dinala ang mga biktima sa TGH.
The post Ginang, patay sa pamamaril sa Caloocan appeared first on Remate.