TODAS ang isang driver ng Coca-Cola matapos magulungan ng dalang truck na umusad habang nakaparada at nagbaba ng softdrinks sa Caloocan City, Martes ng umaga, Disyembre 17.
Dead on arrival sa Martines Memorial Hospital sanhi ng pinsala sa katawan si Primo Ruiz, 54, ng Roosevelt, Quezon City at driver ng Coca-Cola Bottlers Inc.
Sa ulat, alas-11:45 ng umaga, ipinarada ng biktima ang dalang truck upang magbaba ng mga softdrink sa Ralcue Enterprises sa Dagat-dagatan Avenue ng lungsod.
Medyo pababa ang pinaradahan ng truck at habang nagbababa ay biglang umusad na naging dahilan upang takbuhin at sakyan ng biktima subalit dumulas ang mga paa at nahulog at nagulungan pa ng mga gulong na naging dahilan upang dalhin sa MMH.
The post Driver, patay sa dalang truck sa Caloocan appeared first on Remate.