KRITIKAL ang isang bebot matapos pagsasaksakin ng tsismosa matapos komprontahin ng una ang huli na nagpapakalat na malakas ang putok sa kili-kili ng biktima sa Valenzuela City Miyerkules ng gabi, Disyembre 18.
Ginagamot sa Valenzuela General Hospital sanhi ng mga saksak sa katawan si Rhenalyn Labitao, 21, ng Pearl Island, Lawang Baton, nasabing lungsod.
Pinaghahanap naman ng mga pulis ang suspek na nakilala lang sa alyas na Lanie at stay-in sa Hulton Enterprises ng nasabing lugar.
Sa ulat, alas-6:30 ng gabi, pinuntahan ng biktima ang suspek sa pinagtatrabahuhan dahil nalaman na pinagkakalat ni Lanie na malakas ang putok sa kili-kili ni Labitao.
Nagkainitan ang pagtatalo ng biktima at ng suspek hanggang sa sabunutan ni Lanie ang una bago nagbunot ng patalim sa dalang bag at pinagsasaksak ang una.
Tumakas ang suspek habang dinala naman sa VGH ang biktima.
The post Bebot na may putok’ kritikal sa tsimosa appeared first on Remate.