NAMATAY ang isang lalaki nang makuryente habang tumutulong sa basketball court sa Brgy. Lydia, Marcos, Ilocos Norte.
Kinilala ang biktima na si Lindghberg Andres, 24, ng nabanggit na barangay.
Naganap ang insidente habang tumutulong ang biktima na mag-set up ng kawayan sa basketball court nang biglang sumabit sa transmission line ng Ilocos Norte Electric Cooperative (INEC) ang hawak na mahabang kawayan na dahilan ng kanyang pagkakuryente.
Agad isinugod ang biktima sa Mariano Marcos Memorial Hospital and Medical Center sa Batac City ngunit hindi na naisalba ang kanyang buhay.
The post Kelot tigok sa basketball court appeared first on Remate.