KALABOSO ang isang ginang at isang mister matapos magbenta ng shabu sa pulis sa Caloocan City kagabi.
Kinilala ang mga suspek na sina Asral Cabugatan, 29, ng Arlegue St., at Sahaboden Colalo, 27 ng San Miguel St., kapwa ng Quiapo, Manila.
Nabatid na nakarating sa mga pulis na nagbebenta ng shabu ang mga suspek sa Kawal, Maypajo ng lungsod na naging dahilan upang magsagawa ng buy-bust operation, alas-11:30 ng gabi.
Nang iabot ng mga suspek ang isang sachet ng shabu sa pulis na umaktong poseur buyer kapalit ng P1,500 ay agad na dinamba ang mga una kung saan inaalam na kung saan nanggagaling ang tinitindang shabu.
The post Bebot, mister kulong sa shabu appeared first on Remate.