MAHIGIT 80 katao ang sugatan kabilang ang pitong kritikal matapos gumuho ang kisame ng Apollo Theater sa London.
Sa kalagitnaan ng dula, bumigay ang bahagi ng kisame ng four-storey auditorium at nabagsakan ng debris at tipak ng mga bato ang mga nanonood ng palabas na “The Curious Incident Of The Dog in the Night-time.”
Aabot sa 720 katao ang nasa loob ng dulaan nang maganap ang insidente.
Ayon sa London Ambulance, nasa 80 sugatang biktima ang naglalakad palabas ng teatro na puno ng galos at alikabok.
Nailigtas na ang lahat ng na-trap sa loob.
Mabilis namang nakaresponde ang mga trak ng rescue team at mga personnel sa loob ng ilang minuto.
Wala namang napaulat na nasawi sa pagguho.
Hindi pa tukoy ang sanhi ng pagbigay ng kisame.
The post Kisame ng teatro sa London, gumuho; 80 sugatan appeared first on Remate.