TODAS ang anim na anyos na bata makaraang sumiklab ang gasolina sa loob ng kanilang bahay sa Mabalacat City, Pampanga kaninang alas-9 ng umaga.
Nabatid na nilamon ng apoy ang bahay ng biktimang si Jerome Garcia sa Barangay Camachile.
Sinabi ng lolo ng biktima sa Mabalacat City Bureau of Fire Protection (BFP) na may nasagip pang isang bata na nagtamo ng 3rd degree burn na agad isinugod sa ospital.
Ayon naman sa ina ng biktima, saglit lamang siyang nag-CR at naiwan ang mga bata na naglalaro ng apoy.
Napag-alaman na ang nasunog na bahay ay may tinitindang tingi-tinging gasolina.
Walang makapagsabi hanggang sa ngayon kung paano naganap ang naturang sunog.
The post 6-anyos todas sa sumiklab na gasolina appeared first on Remate.