PATAY ang 37-anyos na lalaki matapos pagbabarilin ng riding in tandem habang nangongolekta ng barya sa mga trak na dumaraan sa Sampaloc, Maynila.
Dead on the spot dahil sa tama ng bala sa katawan ang biktimang si Vermon Batenga, ng PUJ Parking Aragon St. Sta. Cruz, Maynila.
Habang inilarawan naman ang suspek na may taas na 5’4 – 5’5, nakasuot na itim na helmet at jacket, maong na pantalon at rubber shoes; at ang isa naman ay nakasuot ng bonnet at maong pants na mabilis na tumakas matapos ang insidente.
Ayon sa imbestigasyon ni SPO2 Milbert Balingan ng Manila Police District Homicide Section, alas-11 ng gabi nang maganap ang insidente sa Cristobal St. Sampaloc, Maynila.
Nauna rito, abalang nangongolekta ng barya ang biktima sa mga dumaraang trak kasama ang kanyang kapatid na si Allan Kristoffer nang lapitan ng isa sa mga suspek at walang sabi-sabi na binaril ng limang beses sa kanyang katawan.
Mabilis namang tumakas ang suspek sakay ng itim na motorsiklo patungo sa direksyon ng Sobriedad St. Sampaloc.
Patuloy namang inaalam ng pulisya ang motibo ng pagpaslang sa biktima.
The post ‘Barya boy’ pinaulanan ng bala todas appeared first on Remate.