DALAWANG lalaki ang kapwa nasa kritikal na kalagayan nang magduwelo sa pamamagitan ng itak at patalim kagabi sa Ma. Naval kanto ng Lengchangco St., Northbay Boulevard South, Navotas City.
Kapwa nakaratay at ginagamot sa Tondo General Hospital sina Bong Francisco, 38, pedicab driver, at Joven Baricos, 29, pawang ng Lenchangco St. nasabing barangay sanhi ng mga saksak at taga sa iba’t ibang parte ng katawan.
Sa imbestigasyon, alas-8:30 ng gabi nang maganap ang insidente sa nasabing lugar.
Bago maganap ang insidente, nag-iinuman ang dalawa at sa hindi malamang dahilan ay nagkaroon ng pagtatalo na humantong sa pagduwelo sa patalim at itak.
Sina Francisco at Baricos ay kapwa binabantayan ng mga pulis habang nagpapagaling sa nasabing ospital.
The post Magkapitbahay, nagduwelo sa patalim at itak, kapwa grabe appeared first on Remate.