SUGATAN ang isang binata matapos barilin sa puwet ng isa sa dalawang hindi pa kilalang mga suspek nang iwan ang una ng kanyang kaibigan sa Caloocan City, Martes ng madaling-araw, Disyembre 24.
Ginagamot sa Jose Rodriguez Hospital sanhi ng tama ng bala sa puwet si Jerry Tombasay, 32, ng Phase 2, Bagong Silang, nasabing lungsod.
Sa ulat, sinundo ang biktima ng kaibigan na nakilala lang sa alyas na “Ryan” na may ibinebentang laptop.
Ala-1 ng madaling-araw, iniwan ang biktima ni Ryan sa Phase 8, Bagong Silang ng lungsod upang ibenta ang laptop hanggang sa dumating ang mga suspek at isa ang pumutok sa binata.
Matapos ang insidente ay tumakas ang mga suspek habang dinala naman ang biktima sa JRH kung saan inaalam na kung sino at ano ang motibo ng mga suspek sa pagbaril sa binata.
The post Binata binoga sa puwet sa Caloocan appeared first on Remate.