KALABOSO ang tatlong lalaki matapos makuhanan ng shabu sa isinagawang buy-bust operation sa Valenzuela City, Huwebes ng hapon, Enero 2.
Kinilala ang mga suspek na sina Eduardo Enriquez, 41; Jimmy Paynera, 42 at Larry Meneses, 33, pawang ng San Andres St., Malanday, nasabing lungsod.
Sa ulat, ala-1:30 ng hapon, nagsagawa ng buy-bust operation ang mga pulis sa nasabing lugar kung saan nang iabot ang P100 ng pulis na umaktong poseur buyer kapalit ng sachet ng shabu kay Enriquez ay agad na dinamba ang huli.
Ininguso naman ni Enriquez na ang dalawa pang suspek ang pinagkukunan ng shabu na naging dahilan upang hagilapin hanggang sa madakip at makuhanan pa ng mga sachet ng shabu na naging dahilan upang isama sa presinto.
The post 3 kelot, kalaboso sa bato sa Valenzuela appeared first on Remate.