TINARAKAN ng kapwa menor-de-edad ang 16-anyos na binatilyo habang hinihintay ang kanyang kaibigan kaninang madaling-araw sa Paco, Maynila.
Inooperahan ngayon sa Philippine General Hospital (PGH) ang biktimang si John, ‘di tunay na pangalan dahil sa saksak sa likod.
Sa imbestigasyon, alas-3 ng madaling-araw kanina nang maganap ang insidente sa Mataas na Lupa St., Paco, Maynila.
Hinihintay ng biktima, kasama ang kaibigang si Louie Cain, 18, ang isa pa nilang kaibigan sa loob ng sidecar na nakaparada sa nasabing lugar nang nilapitan ng suspek na itinago sa pangalang Paul, saka sinaksak ang biktima.
Matapos ang pananaksak ay mabilis na tumakas ang suspek habang isinugod naman sa ospital ang biktima.
Nabatid na ang grupo ng suspek at biktima ay magkalabang grupo sa kanilang lugar.
The post 16-anyos, tinarakan ng menor-de-edad appeared first on Remate.